పుట:Shriiranga-mahattvamu.pdf/375

220

పంచమాశ్వాసము

వ.⁠

అని గౌతమవరుండు చెప్పిన పుణ్యతీర్థప్రభావంబున కలరుచుఁ బరమతత్త్వ వివేకి యగు వాల్మీకి యచటుఁ గదలి భరద్వాజసహితుండై మహితతపో విరాజమానమునిసమాజపూజితంబును, బ్రసిద్ధసిద్ధచారణగీర్వాణసేవి తంబును, సకలకాలకుసుమఫలభరితతరులతాపరివృతంబును, గ్రోశమండల విస్తారంబును, నగు బిల్వతీర్థంబునకుం జనియె నని చెప్పి యప్పారాశర్య వర్యుండు వెండియు నిట్లనియె.

⁠ 55

సీ.⁠

ఇంద్రు డేతరువె ము న్నెలమి నారాధించి సురరాజ్యవైభవస్ఫురణఁ దనరె, మైత్రేయినాఁగ బ్రాహ్మణి యేమహీజంబు సేవించి యోగసంసిద్ధి నొందె, వాలఖిల్యాదు లేవరపాదపచ్ఛాయ నెల్లకాలము నాశ్రయించి యుందు, రజనిర్మితంబైన యాగవేదిక నేఁడు నేశాఖి క్రేవ నొప్పెసఁగి వెలయు,

⁠

తే.⁠

విబుధమానవదైతేయవితతిలోన, నెవ్వ రెవ్వరి కెట్టియభీష్ట మట్టి వార లెల్లను నేధరణీరుహంబు కొలిచి వడసిరి తమతమకోర్కు లెలమి.

⁠ 56

తే.⁠

అట్టి బిల్వంబుపేరఁ బ్రఖ్యాతమైన యమ్మహాతీర్థరాజసామర్ధ్య మెల్లఁ దెలుపు నితిహాస మొక్కటి గలదు వినుము దానఁ బెడబాయుఁ బటుదురితవ్రజంబు.

⁠ 57

సీ.⁠

కలఁడు సోమకుఁ డనగా నొక్కరాజర్షి వంశదీపకుఁడు దుర్వారబలుఁడు, సత్యసంధుఁడు సర్వశాస్త్రతత్వజ్ఞుఁడు, శమదమాన్వితుఁడు సజ్జనహితుండు, జలధివేష్టితమహిచక్రేశ్వరుఁడు, నిత్య ధర్మశీలుఁడు మహాదానశాలి

⁠