తదనంతరంబ యాచోరుం డంతరంగంబున నంతంత కొదవు సంతాపంబున
నొక్కింతసేపు నివ్వెఱ నొంది తన్నుఁ జెందిన దోషంబులు మత్సంభాషణ
విశేషంబున నిరవశేషంబు లగుటయు, బుణ్యాచరణ పరిణతుండై దురిత
చరితంబునఁ దొలంగి - యానదీకూలంబునఁ గొంతకాలంబు సుజనాను
కూలంబుగాఁ బ్రవర్తించి సంచితాఘంబుల నిర్వర్తించి - యుదంచితప్ర
బోధితుండై - విప్రవరుండు చెప్పినచొప్పునఁ బుష్కరిణీతీర్థయాత్రా
పరాయణుండై - యల్లనల్లనఁ దదంతికంబుఁ జేరునంత కాయుఃపరిక్షీ
ణంబైన నతండు కృతాంతగోచరుం డయ్మె నప్పు డారోకనభయంకరు
లగుకాలకింకరులు తర్జనగర్జనభైరవం బైనరవంబున గదిరి యాభీలంబు లగు
కాలపాశంబులఁ గట్టి కట్టలుక నిగుడ మగుడఁ దాడనాదిపీడనం బొనర్ప
నుద్భూతయాతనాపరిభూతుండై - యాక్రోశించె - నయ్యవసరంబున.
