పుట:Shriiranga-mahattvamu.pdf/248

శ్రీరంగమహత్త్వము

93

⁠

లుండును, బహువిధంబులఁ బ్రస్తుతించిరి, యిత్తెఱంగున నందఱుఁ బ్రార్ధింప వారలయెడఁ బ్రసన్నుండై పారావారమధ్యంబున.

⁠ 212

సీ.⁠

దివ్యవిగ్రహకాంతి దిగ్విలాసినులకుఁ గర్ణోత్పలశ్రీలు గడలుకొలుప మహిత నానాకల్ప మణిదీప్తు లంబర స్థలిఁ జిత్రరచనలు సంఘటింప నభినవాంశుకరుచు లాపగాకుచహరి ద్రాయోగశంక నీరధికి నింప శంఖచంక్రాంశుపుంజము జరత్కౌముదీ బాలాతపంబుల పసలు చూప

⁠

తే.⁠

సితవిశాలాయతేక్షణశ్రీలు కుముద వారిరుహవికాసమునకు వన్నెనెఱప గరుణ మూర్తీభవించె నిక్కరణి సనఁగ నెలమిఁ బ్రత్యక్షమయ్యె లక్ష్మీశ్వరుండు.

⁠ 213

క.⁠

అప్పరమేశ్వరుఁ గనుగొని యప్పుడు, ప్రమదంబు భయము నద్భుతమును లో ముప్పిరిగొన శ్రుతిమతములు చొప్పడ సుతియించి రదితిసుతు లానతులై.

⁠ 214

ఉ.⁠

అవ్విబుధవ్రజంబు నుతు లంబురుహోదరుఁ డాదరించి లే నవ్వు దొలంకుచూపుల మనంబుల దుస్స్థితు లెల్లఁ బాపి మీ రెవ్వరు మీకు నిచ్చటికి నిప్పుడురాఁ గతమేమి యీగతిం బర్విన నవ్వ యెయ్యది సమస్తముఁ జెప్పుడు నాకు నావుడున్.

⁠ 215

క.⁠

శ్రవణామృతమును మేఘా రవగంభీరంబు నగుధరాధరుపలుకుల్ దివిజజ్యేష్ఠుఁడు విని భ క్త్యవనతుఁడై విన్నవించెఁ బ్రాంజలి యగుచున్.

⁠ 216