భయంబునం బెకలి వచ్చి దఱియం జొచ్చియుం దదనుధావన సందేహ
కరంబు లయి నిక్కిచూపు ధరాధరనికరంబుల శిఖరంబులఁ బోలెఁ నత్యు
న్నత విస్తారాయామ రమణీయంబులై, రజితమహారజిత రత్నౌషధీ ప్రముఖ
ప్రశస్త వస్తువిశేషంబుల ప్రోవుల దీవులును, బయోధి గర్భ నిర్భర బాడ
బానల శిఖాకలాపంబు లక్కడక్కడఁ బిక్కటిల్లి వెలికి నిగిడిన బాగునం
గొనలుసాఁగి సోనలై సొబగు మిగిలి పొదలి పొదిగొని యంబరభాగంబునఁ
బరఁగి రాగిల్లు తరుణారుణ కిరణజాలంబుం గేలిగొనఁ జాలి యుపాంత
ప్రదేశంబుల నక్షుద్రంబులగు విద్రుమలతా చయంబులును, స్వాధీనలై యభి
సారికా లీల లంగీకరించిన తరంగిణుల యెడ నాత్మీయ దక్షిణ నాయకత్వం
బెఱుకపడఁ దత్తదుచిత సంకేత స్థలంబుల విలసించుచందంబున మందానిల
స్పందమాన మందార మంజరీ మకరంద నిష్యంద బిందు సందోహ శీతల
సికతాతలంబులం గల వేలావనాంతరంబులఁ గ్రయ్యంబాఱిన నదీ సంగమ
స్థానంబులును, మధ్యభాగంబున యోగనిద్రాపరాయణుం డగు నారాయణు
దివ్య దేహకాంతి ప్రవాహ యోగంబునఁ గృష్ణత్వంబు గైకొన్న రూపున దీపించు
నంతర్గత క్షీరగ్రాహి నీలమణి ధామంబుల నతిశ్యామంబు లగు నాగంబు
లును, భువనద్రోహులు పాతాళబిలంబులం దాఁగియున్న దైతేయు వ్రాతం
బులఁ బరిమార్ప ననువుపడుటకై క్షీరకాండంబు లొండొండ క్రోల నాఖండ
లుండు పుత్తేర నరుగుదెంచిన బలాహక సందోహంబులుంబోలె వప్రక్రీడా
లోలంబులైన వన్యకుండాలంబులుం గలిగి, యపవర్గంబునుం బోలె ముక్తాస్ప
దంబై , యచలగహ్వరంబునుంబోలె హరినిద్రాసుఖోచితంబై, యచ్యుత
కరంబునుంబోలె నారూఢచక్రంబై, యంబుదాగమనంబునుంబోలె నహిమకర
భాసురంబై, యమరాద్రియంబోలె నత్యాప్తచంద్రపాదంబై, యశ్వర
త్నంబునుఁబోలె నసమ సుధారాజితంబై, యాహవరంగంబునుంబోలె నతి
ప్రభావలక్షితదివ్యకాండంబై, సురభిసమయంబునుంబోలె సుజాతసుమనో
బహులంబై, రమణీనితంబంబునుంబోలె రత్నగర్భాభిరామమేఖలంబై, మెఱసి
గాంభీర్యంబునకు విస్రంభస్థానంబును, మాధుర్యంబునకు ధుర్యంబును
మర్యాదకు నాదికారణంబును, నౌదార్యంబునకు నాకరంబును, నద్భుతభయాన
కంబులకు దానకంబును, నాధిక్యంబునకు నావాసంబును, నాది తిమి
కమఠ భూదారవిహారంబున కాధారంబును, నతిమహత్త్వంబున కాస్పదంబును,
