పుట:Shriiranga-mahattvamu.pdf/239

84

ద్వితీయాశ్వాసము

మ.⁠

పరమాహ్లాదన మీకవేరతనయాపర్యంత మీ చంద్రపు ష్కరిణీవారి సుధానుకారి జనలోక స్తుత్యుఁ డీ ధారుణీ శ్వరుఁ డస్మత్పదభక్తు లీమును లుదంచత్పుణ్యు లిట్లౌట నా కీర వీరావు వసింతు నీయెడన పొ మ్మీవంక నీలంకకున్.

⁠ 169

క.⁠

విను మితిహాసం బొక్కటి దనుజాధీప వింధ్యధరనికటమునన్ మును పేరుకల మహానదు లొనరఁగ నొక్కెడన గూడి యున్నట్టితఱిన్.

⁠ 170

క.⁠

విశ్వావసుఁ డనుగంధ ర్వేశ్వరుఁ డచ్చోటి కెలమి నేతెంచి మదిన్ విశ్వాస మొదవ మ్రొక్కుచు శశ్వద్గతి దక్షిణంబు చనినం బిదపన్.

⁠ 171

ఆ.⁠

మ్రొక్కె నితఁడు దనకు మ్రొక్కె నీతఁడు దన కనుచు నీసు వాసికై కడంగి తమక మొదవ సదులు తమలోన వాదించె ఘనరవంబు మింటఁ గడలుకొనఁగ.

⁠ 172

చ.⁠

అతఁడును దక్షిణాబ్ధికి రయంబున నేఁగి భుజంగతల్పసం గతు నను నవ్యదివ్యమృదుగానవిశేషములన్ భజించియున్ వ్రతముగఁ బౌష్యమాసమున వాసము తత్తఱిఁ జేసి భానుఁ డూ ర్జితగతి నుత్తరాయణము చెందిన గ్రమ్మఱి యేఁగుదెంచుచున్.

⁠ 173

క.⁠

ఆనతుఁ డగుటయు నానదు లీనతి నీ వాచరించు టెవ్వరి కనినన్ భూనుత మహిమాధిక మీ లో నెవ్వరు దాని కని పలుకుచుం జనియెన్.

⁠ 174

ఉ.⁠

ఆతఱి నమ్మహానదుల కయ్యెఁ బరస్పర గౌరవాల్పతా హేతుక మైనవాద మదియెల్లఁ గ్రమంబున శాంతిఁ బొందె నే

⁠