పుట:Shriiranga-mahattvamu.pdf/232

శ్రీరంగమహత్త్వము

77

⁠

దెచ్చునప్పుడ నీకెఱింగించెద-మంతదాఁక భవద్రాజధానియగు నీచోళపురం బునన యుండి మహీపాలనంబు సేయుము పొమ్మని సమ్మదం బిద్దియని యమ్మానవేశ్వరుం డరిగె—ననంతరంబ—

⁠ 134

సీ.⁠

అహిమాంశుకుల రోహణాచల స్థలమున నలరిన దివ్యరత్నాంకురంబు, జానకీమృదులభుజాపంజరంబున రంజిల్లి విహరించు రాజశుకము, యోగమానస భూసురోద్యానవనములఁ గలయ వర్తించు శిఖావళంబు నగజామృడస్తవ నవమధుద్రవములఁ జవుల నింపునఁ జొక్కు షట్పదంబు -

⁠

తే.⁠

కలిత కరుణాసుధారస కలశజలధి దశరథాధిప సుకృతసంతానఫలము భక్తహృద్వర్తి తారకబ్రహ్మమూర్తి రాజపరమేశ్వరుండు శ్రీరాఘవుండు.

⁠ 135

క.⁠

రాముడు హరి మణినివహ శ్యాముఁడు శుచిధాముఁ డమరసన్నుత సుగుణో ద్దాముఁడు రక్షితసుజన స్తోముఁడు జనదృక్చకోరసోముఁడు మఱియున్.

⁠ 136

సీ.⁠

ఎవ్వని సుగుణంబు లీశానుముఖ్యులు చెలఁగి కైవారంబు చేయుచుందు రెవ్వనికరుణచే నెసఁగు ధన్యులకు నా కల్పాంతమగు నిర్వికారపదము ఎవ్వని గొలుచువా రిచ్ఛసేయరు కల్ప తరు కామధేను చింతామణులను ఎవ్వనికడకంటి కెఱుపు వచ్చినమాత్ర బ్రహ్మాది దివిజులు పగులుచుందు

⁠