అట్టి యెడ ముక్కంటి మగతనంబు సగంబుగాఁ బెనంగిన నెఱజోదు ప్రమో
దంబున బ్రయాణసమయ సముచిత సన్నాహ సంరంభ విజృంభితుండై -
బొండుమల్లెల బొమిడికంబును-గొజ్జంగి వజ్రాంగియుఁ జొన్నగుబ్బెల రాగె
వల్లులును మెఱయ, హరినీలజాలంబుల డాలు నేలు నలువునం బొలుపు మిగులు
కొదమతుమ్మెద గొనయం బెక్కించి మించుగాఁ దొడిగిన యించువిల్లునం
బెల్లు నిగిడి-పల్లవుల యుల్లంబులఁ గాడిపాఱు కోరచూపులు గల కళావతుల
కలికి కనుజిలు కడల ధగధగలం బొలయు మెఱుఁగులు గుఱిగొన బసని
కుసుమరసముం గులికి పులుగడిగి గఱులు దీర్చి వంకలొత్తిన గ్రొత్తలై
యున్న మదనమోహన వశీకరణ సంతాపనాభిధానంబుల నొప్పారు సహకార
సారసాశోక శిరీష కోరక ప్రదరంబులు నిలచి సవరించిన కవదానలు ధరి
యించి కట్టాయితంబై విరిదమ్మి బండికండ్లును బిసకాండపుటిరుసులును,
బొగడ మొగడల చీలలును దొగల నొగలును మొగలి రేకుల పలుకయుఁ
గలువకాఁడియుఁ గురువేరువాగంబులును సంతరించి వసంత సారథి తిన్ననై
యున్న క్రొన్నన మునికోలఁ గదల్చి యదల్చినం గెరలి చెరలి కొట్టుచు
మిన్నులపై బాఱు చిలుకవారువంబుల రయంబున దళతళం బొలయు
దిక్కులఁ బిక్కటిల్ల వెన్నెల నెదచల్లు వెల్లియుఁ గలిగి తనరు తనరథంబు