ఈ పుట అచ్చుదిద్దబడ్డది
68
శ్లో. "అహంహితత్కరిష్యామి పరంపురుషకారతః!
దైవంతునమయాశక్యం కర్మకర్తుంకథంచన|| "
అనఁగా బౌరుషమువలన మీకు జేయఁదగినహితమును జేయుదును. దైవము చేయుకర్మను నే నెట్లు చేయఁగలను ? అని,
మరియు శ్రీస్వామివారు విదురునిచే నడుగఁబడి తమ రాకనుగూర్చి యిట్లు ప్రత్యుత్తర మిచ్చిరి:--
క. "ఎఱుగుదు నేను సుయోధను
కొఱగామియు నతనితోడఁ గూడిననృపులం
దఱుఁ బగ మనమున నిడికాని
యఱుముటయును సంధి పొసఁగదనియు మహాత్మా.
ఆ. వె. పుడమియెల్ల నొడ్డ గెడవయి గజవాజి
యుతముగా నడంగి యుగ్రమృత్యు
ముఖము సొరఁగ దివురుమూర్ఖత మాన్చుట
యధికమైనవుణ్య మనఘచరిత.
వ. మానుపవచ్చునే యంటివేని.
క. దొరకొని పుణ్యముఁ బాపము
నరుఁ డర్థిం జేయుచుండ నడుమ నొకంటన్
వెర వెడలి తప్పినను ద
త్పరిణతి ఫల మొందు నండ్రు ధర్మవిధిజ్ఞుల్.