పుట:Shodashakumaara-charitramu.pdf/31

20

షోడశకుమారచరిత్రము

⁠

⁠

వ. ఆక్షణంబ నీరసవృక్షంబ నైతి దేవర యిచ్చటికి విచ్చేయుకతంబున శాపవిముక్తుండ నై తావకదర్శనంబున ధన్యుండ నైతి నిప్పు డప్పరమమునీంద్రుం డందేని యున్నవాఁ డనినం దద్దర్శనలాభప్రమోదతరంగితాంతరంగు లగుచు నతఁడును దారును నొక్కపథంబున నరుగుసమయంబున.34

క.⁠

పాగలు దొడుగుక[1] యొకయెల నాఁగయుఁ దానును నభంబునం జని చని భూ భాగంబున ముగురం గని[2] వేగంబున నవతరించి వినతుం డైనన్.

⁠ 35

చిత్రకరుని వృత్తాంతము

వ.⁠

వీఁడె మనచిత్రకరుండు వచ్చె నిట్టిచిత్రంబునుం గలదె యనియుల్లంబున నుల్లసిల్లుచు వానిం బరిపాటి నందఱుం బరిరంభణం బొనరింప నంగనయుఁ ముసుంగిడి తొలంగి యుండె నంతఁ దారొక్కయెడ నాసీనులై యున్నచోఁ గమలాకరుండు చిత్రకరుని వదనంబునం జూడ్కి నిలిపి నీ కీఖేచరత్వంబు మహత్త్వంబు నెట్లు గలిగె నని యడిగిన.

⁠ 36

మ.⁠

అహిరోషంబున నట్లు వాసి చని వింధ్యారణ్యమధ్యంబున న్సహజస్ఫూర్జితతేజు లిద్ద ఱసురల్ సత్త్వాఢ్యు లేకామిష స్పృహఁ దర్కింపఁగ వారిఁ జేరఁ జని గంభీరోక్తి వారించి దు స్సహవాదంబున కెద్దిహేతు వనిన న్శాంతోరుసంరంభు లై.

⁠ 37

వ.⁠

ఒక్కపాత్రంబును నొక్కలాతంబును నొక్కపాగదోయినిం జూపి.

⁠ 38

1. పాగలు దొడికొని
2. మగుడంగని - శబ్దరత్నాకరము