ఈ పుట ఆమోదించబడ్డది
55
సంస్కృతన్యాయములు
లోమములు అనఁగా అధఃకేశములు. కేశములు, లోమములు పురుషదేహమునుండి పుట్టినవే.
- (శరీరములో నుండియే వచ్చినను పాలు పాలే; మూత్రము మూత్రమే.)
- పుష్కరపలాశన్యాయము
- తామరాకుఁ నీటిచేఁ దడియదు.
- పద్మినీపత్రజలన్యాయమును జూడుము.
- పుష్పలగుడన్యాయము
- అఱచుచు గఱువవచ్చు కుక్కలలో మొదటిదానిని కఱ్ఱతో గొట్టి తక్కినకుక్కలను అదేకఱ్ఱసాయమున వెంటబడి తఱిమివైచినట్లు.
- పుష్పవంతోపకారన్యాయము
- పుష్పవంతు లనఁగా సూర్యచంద్రులు. వారు తక్కిన గ్రహములకు తమరాసులలో నిలువ నవకాశము నిచ్చియు, ప్రకాశము నిచ్చియు నుపకారము చేయుచుందురు. సూర్యచంద్రులు క్షణమైనను నిలువక దివారాత్రములు సంచారము చేయుచు వెలుతు రొసఁగియు సస్యాదులు ఫలింపఁ హేతువులై జగదుపకారకరు లవుచుందురు.
- పూతికూశ్మాండన్యాయము
- నీటిలోఁ బుట్టిన గుమ్మడికాయవలె.
- చిత్రామృతమువలె అనుభవింప యోగ్యము గానిది.
