ఈ పుట ఆమోదించబడ్డది
39
సంస్కృతన్యాయములు
ఏదైన కొంతధనము వ్యయము చేయవలసివచ్చినప్పుడు ఇంకొకకొంచెము వ్యయమునకు వెనుదీయరాదు.
- దామవ్యాలకటన్యాయము
- ఒకప్పుడు తనకు చేదోడుగా నుండుటకై శంబరాసురుడు దాముడు, వ్యాలుడు, కటుడు అను ముగ్గురురాక్షసులను తనమాయచే సృజించెను. వారు ఒకే గ్రుద్దుకు పదికొండలు పిండిచేయగల బలము గలిగియుండెడువారు. కాని, ఆబలమును ఉపయోగించుట తెలియక వారు రానురాను బలహీనులై చివరకు దోమలై పుట్టిరి.
- (అజ్ఞునికి ఉచ్చదశ వచ్చినా అథోగతికే మూల మవును.)
- దారుపురుషన్యాయము
- కఱ్ఱదుంగను జూచి మనుష్యుడని భ్రమించినట్లు.
- దాహకదాహన్యాయము
- మంటలేని అగ్ని కట్టెలతో గలిసి తానుకూడా ఆకట్టెల ఆకారమునే పొందును.
- దివాతనచంద్రన్యాయము
- పగటిచంద్రునివలె.
- శోభ తఱగి యుండుట అనిభావము.
- దివాంధన్యాయము
- అందఱకు నిష్టముగనుండు పగలు గ్రుడ్లగూబకు అనిష్టముగ నుండును.