ఈ పుట ఆమోదించబడ్డది
28
సంస్కృతన్యాయములు
- జలతాడనన్యాయము
నీటిని కఱ్ఱతో గొట్టినను దెబ్బతగులదు; లొట్టపడదు. ఊషరవృష్టివలె నిష్ప్రయోజనము అనిభావము.
- జలతుంబికాన్యాయము
సొరకాయబుఱ్ఱను మట్టితో నింపి జలమున వైచిన అజి మునిఁగిపోవును. ఆమట్టి నీటఁ గఱగిపోయిన సొరకాయ బుఱ్ఱ పైకి తేలును. (దేహసంబంధ మున్నంతవఱకు జీవాత్మ భూలోకమున నుండును; దేహసంబంధము నశించినయపు డాకాశము నకుఁ బోవును.)
- జలతైలబిందున్యాయము
నీటిపై వేసిన నూనెచుక్క నీరంతటను వ్యాపించును. కానీ దానికి నీరు అంటదు.
- జలబిందునిపాతన్యాయము
ఒక్కొకనీటిబొట్టు పడి క్రమముగ కుండఅంతయునిండును.
- జలమథనన్యాయము
నీటిని తఱచినట్లు. పాలు మథించిన వెన్నవచ్చును. నీటిని మథించిన వచ్చు నది నడుమునొప్పియే. గొడ్డురాలివద్ద పాలు గుడిచినట్లు వ్యర్థమని భావము.