ఈ పుట ఆమోదించబడ్డది
25
సంస్కృతన్యాయములు
- చర్వితచర్వణన్యాయము
నమలినదే మఱల నమలినట్లు.
- చాతకీజీమూతన్యాయము
ఎల్లెడ జలము లభించినను చాతకపక్షికి దప్పి మేఘము నుండిపడిన నీటిబిందువులచేఁగాని తీరదు. ఇతరసుఖము లెన్ని యున్నను తనకోర్కె నెఱవేర్చుదానితో సాటికావు.
- చాలనీన్యాయము
జల్లెడలోఁ బోసి జల్లించినట్లు.
- చిత్రపటన్యాయము
ముందు రేఖలు గీచి పిదప బొమ్మను వ్రాసినట్లు.
- చిత్రాంగనాన్యాయము
చిత్రపటములోని అందకత్తెను జూచి సంతసించినను కౌఁగిలించుకొనరు. (జ్ఞాని నిషిద్ధక్రియాచరణమునకుఁ గడంగినను తత్ఫలభోగి మాత్రము కాఁడు.)
- చిత్రానలన్యాయము
బొమ్మలేని నిప్పువలె. పేరునకుమాత్ర మగ్నియే యైనను దాహకత్వాదిగుణ శూన్యమవుటచే నయ్యది నిరర్థకము.
