ఈ పుట ఆమోదించబడ్డది
18
సంస్కృతన్యాయములు
- ఖండితశాఖాన్యాయము
కొమ్మ తెగగొట్టినను మరల చిగిర్చుచుండును.
- ఖడ్గకోశన్యాయము
ఒఱచూచి కత్తి కలదని భయపడి పాఱిపోయినట్లు.
- ఖరాశ్వన్యాయము
చూడగా చూడగా గుఱ్ఱము గాడిదయైనట్లు.
- ఖర్వాపేక్షితఫలన్యాయము
పొట్టివాఁడు అందని ఫలములకు చేయి జాపినట్లు.
- ఖలేకపోతన్యాయము
కళ్ళములోఁ బావురములు వ్రాలి గింజలు తినుచుండ, వానిని బట్టుకొనుటకై యెఱుకవాడు వలవేయఁగా అవన్నియు నొక్కసారిగా లేచి వల యెత్తుకొని పోయినవి.
- ఖల్వాటబిల్వీయన్యాయము
బట్టతలవాడు ఎండవేడిమికి తాళఁజాలక నీడకై మారేడు చెట్టుక్రిందికి రాఁగా కాయ తలపైఁబడి గాయము పడెను.
- గగనకుసుమన్యాయము
ఆకాశమున పుష్పములు పూచినట్లు.
- గగనరోమంధన్యాయము
ఆకాశమున ఆవులు నెమరవేసిన నురుగున్నట్లు. అసంభవమని తాత్పర్యము.