ఈ పుట ఆమోదించబడ్డది
7
సంస్కృతన్యాయములు
- అలంకృతిశిరశ్ఛేదన్యాయము
- ఒడలంతయు నలంకరించి తల తెగ వేయుట.
- అలాతపిశాచన్యాయము
- కొఱవిని చూచి దయ్య మనుకొనునట్లు.
- అలాబూపాషాణన్యాయము
- రాతిలో బుట్టిన సొరకాయ రాతినెరియ యెట్లుండునో యట్లె పెరుగును.
- అవినాభావసంబంధన్యాయము
- ఒకదానికొకటి సంబంధించి యుండుట.
- (కుండయు, మట్టివలె; పూవు, తావివలె)
- అవ్యాపారవ్యాపారన్యాయము
- పనిలేనివాఁడు పనిగల్గినవానిని చెఱచుట.
- (కూసేగాడిద మేసేగాడిదను చెఱచె నన్నట్లు)
- అహికుండలన్యాయము
- కుండలాకారముగా చుట్టలు చుట్టుకొనుట సర్ఫమునకు స్వాభావికధర్మ మయినట్లే మనుష్యునకుఁగల స్వాభావిక గుణము తదనుగుణముగ నవశ్యము ప్రవర్తించును.
- అశ్మలోష్ఠన్యాయము
- మంటిబెడ్డ దూదికంటె కఠీనమే యైనను పాషాణము కంటె మెత్తనిదే.
