ఈ పుట ఆమోదించబడ్డది
5
సంస్కృతన్యాయములు
- అతిపరిచయన్యాయము
- అతిపరిచయముచే నవజ్ఞ గలుగును.
- 'అతిపరిచయా దవజ్ఞా.' కు.చే. 1-105.
- అపరాహ్ణచ్ఛాయాన్యాయము
- అపరాహ్ణము దాటినతరువాత మనుష్యునినీడ క్రమక్రమముగ ఉత్తరోత్తర మభివృద్ధి నొందుచు జిరకాలవ్యాపిని యవును. అట్లే ఉత్తరోత్తరాభివృద్ధి, చిరకాలవ్యాపకతలయం దీన్యాయ ముపయోగింపబడును.
- అపృచ్ఛోత్తరన్యాయము
- అడుగకుండగనే ప్రత్యుత్తరము చెప్పుట.
- అప్రసక్తనిషేధన్యాయము
- వెనుకటిగ్రంథమువలన జెప్పఁబడినధర్మము సంబంధము లేని స్థలమందుఁగూడఁ బ్రసక్తించినపుడు దానిని నిషేధించవలయునుగాని ప్రసక్తించనిది నిషేధించఁగూడదు.
ఎట్లనిన:- 'ప్రాతఃకాలమునఁ బువ్వులు వికసించును.' అను వాక్యముచే సకలపుష్పములు వికసించుట చెప్పఁగాఁ గలువపువ్వులకుఁగూడ వికాసము ప్రసక్తించినది. కావునఁ గలువలు వికసించవని నిషేధించవలయును. ఇది ప్రసక్త నిషేధము అనఁబడును.
'చీఁకటి తెల్లఁగ నుండదు' ఇది యప్రసక్తనిషేధము.
