ఈ పుట అచ్చుదిద్దబడ్డది
- 191
సంస్కృతన్యాయములు
ఆగ్న్యానయనన్యాయము
"నిప్పు తీసుకురమ్ము" అనిన ఏదేనిపాత్రలో వేసుకొని అని వేఱె చెప్పవలెనా?
జలానయనన్యాయమును జూడుము.
అజాతపుత్రనామోత్కీర్తన్యాయము
పుట్టనికొడుకుగుణములను పొగడుకొన్నట్లు.
ఆలు లేదు; చూలు లేదు; కొడుకుపేరు సోమలింగము అన్నట్లు.
అజాయుద్ధన్యాయము
మేకలపోట్లాట మొదట ఆడంబరముగ నుండి తుదిని క్రియ శూన్యమవును.
"అజాయుద్ధే ౠషిశ్రాద్ధే ప్రభాతే మేఘడంబరేదమ్పత్యో; కలహేచైన బహ్వారమ్బో లఘుక్రియా."
ఆరంభశూరత్వము నీన్యాయము సూచించును.
మేషయుద్ధన్యాయ మనియు దీనికి బేరుకలదు.
ఆజ్ఘత్ న్యాయము
అచులు ప్రాణములు; హల్లులు ప్రాణులు. అచుతో సంయోగ మున్నంతదనుక హల్లులకు స్ఫుటోచ్చారణముండును; లేనిచో హల్లున కుచ్చారణమే యుండదు.
అట్లే---ప్రాణ మున్నంతవఱకే దేహవ్యాపారము.