ఈ పుట ఆమోదించబడ్డది
1
ఓం
సంస్కృత న్యాయములు
- అంకుశన్యాయము
- గొప్పయేనుఁగు చిన్న అంకుశమునకు లోఁబడినట్లు.
- అంకోలబీజన్యాయము
- ఊడుగచెట్టుగింజలు క్రింద రాలి యురుము వచ్చినతోడనే మరల మ్రాని నంటుకొనును.
- అండవిస్రంభన్యాయము
- బుడ్డను నమ్మి యేటఁ బడినట్లు.
- "ఎంతయు బుడ్డనమ్ముకొని యేటనుబడ్డవిధంబు కాదొకో" - శ్రవణానందము.
- అంతర్దీపికాన్యాయము
- కుండలోనున్న దీపము పైకి ప్రకాశింపక లోపలనే వెలుగును.
- అంధకరదీపికాన్యాయము
- గ్రుడ్డివాని చేతిలోని దీపము వానికేమియు నుపయోగింపదు.
- అంధకవర్తకీయన్యాయము
- పిచ్చుకదగ్గఱ చప్పట్లు కొట్టిన అది చేతిలోనికి వచ్చునా ? అసంభవమని భావము.