ఈ పుట ఆమోదించబడ్డది
రాణీ సంయుక్త
భట్టు : చక్రవర్తికే. తన్నెటులైనఁ బెండ్లి యాడుమనియు లేకున్నఁ బ్రాణములఁ ద్యజించెద ననియు వ్రాసి యున్నది.
యజ : ప్రాణముల వదలునంతటి మోహము గలిగియున్నదా ఆ కన్నియకు?
భట్టు : నందేహమేమి ?
యజ : మరి చక్రవర్తి కామెపై నింత ప్రేమమున్నదా ?
భట్టు : ఆహా ! ఇంతకన్న నెక్కువే :
యజ : నిక్కము వచింపుము.
భట్టు : నిశ్చయమే చెప్పుచున్నాను. చక్రవర్తికామెపై నింతకన్న నెక్కువ మక్కువగలదు.
యజ : అటుపైన జక్రవర్తి యింతకాల ముపేక్ష చేసియుండుట కేమికారణము?
భట్టు : జయచంద్రునకుఁ దనకుఁగల వైరమువలన చక్రవర్తి కొంచెము వెనుదీయుచున్నాడు. కాని యెప్పుడో యొకసారి పెండ్లియాడక మానడు.
యజ : ,అయిన మనమిప్పుడు చక్రవర్తిని సులభముగనే తుదముట్టింప వచ్చునే ?'
భట్టు : ఎట్లు?
యజ : ఏకరణినైన మనమా సంయుక్తను జంపించవలయును. అందువలనఁ జక్రవర్తి నశించును. పిదప మనము
36