18 ప్రబంధరత్నావళి
క. కురువిందవజ్రమయ గో
పురకాంతులవలనఁ బ్రొద్దు పోకలురాకల్
పరికింప నరిది యయ్యును
సరసిజకైరవవికాససంపద దెలియన్. (జ) 79
సీ. కొమరువెన్నెలమోసు నమలి ప్రాణేశ్వరు కొసఁగి యిం పొనరించు నొకచకోరి,
పరపువెన్నెల గుజ్జు బంతెనగూళ్ళాడు నోలి నెచ్చెలులతో నొకచకోరి,
పా టైనవెన్నెలతేఁటకేళాకూళి నోలలాడుచు నుండు నొకచకోరి,
గట్టివెన్నెల చల్దిగాఁ గట్టి వల్లభు నుడురాజు కడ కంపు నొకచకోరి,
తే. చేగవెన్నెలక్రొవ్వు భంజించి విందు
లొనరఁజేయును జుట్టాల కొకచకోరి
పండువెన్నెలపేస మేర్పఱిచి పతికి
నుబ్బుగా నిచ్చు వేడుక నొక చకోరి. (జ) 80
సీ. తంగేడు జెముడుకుఁ దామ రుమ్మెత్తకు గన్నేరువేళ్ళకుఁ గరకకాయ,
ముసిఁడికి శుంఠియుఁ బసుపు సున్నమునకుఁ దెఱఁగొప్పఁ బొగడకుఁ దెల్లయుప్పి,
వట్టివేళ్ళకుఁ బత్తి వావిలి కొడిసెకు నేయి పాలకును వేన్నీళ్ళు దలఁప,
జీడికి సెనఁగ మించిన వసనాభికి జిఱ్ఱివేళ్ళును నల్లజీలకఱ్ఱ,
తే. తైలశశులకు జిల్లేడుపూలనీళ్ళు
పనసపంటికి నూనె యావడకు ముస్తి
మిరియ మరఁటికిఁ దెగడకు నరయఁ దుమ్మ
లడరు వెలితుమ్మ నేలతంగెడుకు వైరి. (జ) 81
సీ. తొలిదలి గోసినతోరంపుఁ గ్రొవ్విరు లించు విల్తునికి మీఁ దెత్తి మ్రొక్కి,
పద్మపరాగంబుభసితంబు మంత్రించి పువ్వారుఁబోఁడికిఁ బొట్టు వెట్టి,
సంపంగిఱేకుల సర్పంబు లిఖియించి రాజాస్యకరమున రక్ష గట్టి,
నెఱిఁ బచ్చనివి యెఱ్ఱనివి యైన వొనగూర్చి [?]బడిసి పుష్పంబుల బడిమి పోసి,
తే. మదచకోరంపుమఱక నేమఱక ద్రిప్పి
పడఁతికిని దమ్మికప్పెర వెడలఁజేసి
చెలఁగి పూఁదేనియలఁ దేఁటిసిద్ధులకును
వెలఁది యెదుటను జూఱ గావించె నపుడు. (జ) 82
