వాడు; కలకలా నవ్వాడు
కన్నె చూడఁడు; ...చందమామో!
వాడి; కావి పంచెలమీఁద
కస్తూరి తాపిస్తు; ...చందమామో!
వాడి; బంగారు చెక్కిళ్లు.
రత్నాలు మెరిపిస్తు ...చందమామో!
వాడి; ముద్దైన మోముపై
ముత్యాలు విరబోతు: ...చందమామో!
వాడి; నూనూగు మీసాలు
వలపు తీగెలు పాకిస్తు, ...చందమామో!
వాడు; చూచినా చాలమ్మ
స్వర్గ మేదరిదాపు: ...చందమామో!
వాడు; నవ్వుతూమాటాడి
కవ్వించి పోయాడు; ...చందమామో!
వాని; నవ్వులోనే మనసు
నను విడిచి పోయింది; ...చందమామో!
వాడు; పలికినా చాలమ్మ
ప్రాణాలు వికసించు; ...చందమామో!
వాని; బంగారు మొలత్రాఁడు;
పై, పైన మెరిసింది; ...చందమామో!
వాడి; ఉంగరాలజుట్టు
రంగైన మగవాఁడు; ...చందమామో!
వాని; కోపాన ఒకసారి
కసరి తిట్టినచాలు; ...చందమామో!
పుట:Palle-Padaalu-1928.pdf/216
ఈ పుట అచ్చుదిద్దబడ్డది