ఈ పుట అచ్చుదిద్దబడ్డది
వలచిన చిన్నవాడు
——ఇటువంటి నాయికయే వలపుకాడు కిమరించి మాయమైనందుకు విలపించుచున్నది.
వాడు; వలచినాడమ్మా!
నను తలచినాడమ్మా! ...చందమామోయ్!
వాడు; వలచీనా! తెల్లారి;
పిలచినా! పలుకడు! ...చందమామో!
వాడు; పిక్కల సన్నంపు.
బిగువైన మగవాఁడు; ...చందమామో!
వాడి; భుజాన ఉన్నది;
భూచక్ర కంబళి; ...చందమామో!
అది; పదిగళ్లు భూటుపై
పరచినా చాలమ్మా! ...చందమామో!
వాడి; మునిపళ్ల సందున,
ముత్యాలు తాపింతు; ...చందమామో!
వాడి; పళ్కాన ఉన్నది;
పచ్చలపిడి బాకు; ...చందమామో!
అది. ఎదలోన ఒకసారి
అదిమినా చాలోయి; ...చందమామో!
వాడు; వలచినా దాకాను
వలపోసి తిరిగాడు; ...చందమామో!
వాడు; వలచినా తెల్లారి
పిలచినా పలుకడు; ...చందమామో!