ఈ పుట అచ్చుదిద్దబడ్డది
పూవుల కథముగట్టి చిలుకగుఱ్ఱములుగట్టి
పోయివత్తము గాలివీధిని పదరా
పూలతోటి బుట్టగట్టి - బుట్టకు ముత్యాలు చుట్టి
బుట్టలోనె యెగిరి పోదముపడరా
అమృతప్రవాహమైన ఆకాశగంగలోన
సరిగంగాలాడుదాము పదరా
7
నీ మొగము చందమామ-నీకళ్లు కలువపూలు
నా మొగము తోటిచేర్చిపోరా
నీనోట నున్నమురళి నానోటనుంచి చూడు
నేనొక్క పాటపాడెద వినరా
మధువూనీ మోవితేనె అదిరా నే నానియాని
మతిమాలి సొక్కి సోలితి గదరా
నీవొక్క హంసమైతే నేను మానసమగుదు
పన్నీట నిదురబుత్తును గదరా
8
తేట పన్నీటిలోన నీటుగాను జలకమాడి
మధుర నీరూపుచూపను పదరా
మధురా నీగుండెలదరా-నిదుర కంటికిరాదు
రెండు కొండ లడ్డమాయె గదరా
180