ఈ పుట ఆమోదించబడ్డది
మృదువచోరచనల వదలింప నేర్తురు
ఘనమునీంద్రుల నైనఁ గచ్చడములు
వలపులు పైఁ జల్లి వలపిప నేర్తురు
సన్యాసులను నైనఁ జలముపట్టి
సరతబంధమ్ములఁ జొక్కింప నేర్తురు
వ్రతములు గైకొన్నయతులనైన
తే. అచల మెక్కింప నేరుతు రౌషధముల
మరులు గొలువంగ నేర్తురు మంత్రములను
ధనము లంకింప నేర్తురు మంత్రములను
వాసి కెక్కినయప్పురివారసతులు. 13
సీ. శారదాగాయత్త్రి శాండిల్యగాలవ
కపిలకౌశికకులఖ్యాతి గలిగి
మదన విష్వక్సేన మాధవ నారద
శుక నైజయంతి కార్జునులు గలిగి
చంద్రార్క గుహ గిరిసంభవ జయ వృష
కుంభ బాణాదులఁ గొమరు మిగిలి
సుమన ఐరావత సురభిశక్రామృత
పారిజాతముల సొంపారఁ గలిగి
తే. బ్రహ్మనిలయమ్ము వైకుంఠపట్టణమ్ము
నాగకంకణుశైలమ్ము నాకపురము
లలితగతిఁ బోలి యేవేళఁ దులను దూఁగి
ఘనత నొప్పారు నప్పురివనము లెల్ల. 14
చ. కనకవిలాసకుంభములు గబ్బికుచంబుల లీలఁ జిత్రకే
తనములు పైఁటకొంగులవిధంబునఁగ్రాల గవాక్షముల్రహిన్
