ఈ పుట ఆమోదించబడ్డది
66. గుండెనిండ గుప్తనిధులే
ఎంత తవ్వినా తరగని మధురజ్ఞాపకాలు
67. మౌనరాగాల వీణియనే
నీవు మదితంత్రులు మీటే వేళ
68. నా జీవితం ఒక మధురకావ్యం
ప్రతిపేజీ నీ ప్రేమాక్షరాలతో నిండి
69. అందకుండా ఊరిస్తూ చందురుడు
అందుకోవాలనే ఆరాటంలో సముద్రుడు
70. జీవితం రంగులమయం నీ జతలో
మిగిలింది నలుపే నీ వియోగంలో
71. క్షణాలకెప్పుడూ తొందరే
మది వేదన పట్టనట్టే కరిగిపోతుంటాయి
72. అంతం లేని ఎదురీత
పోటెత్తుతున్న నీతలపుల వరదలో
73. అర్ధంలేని నీ అహంకారం
ఆవేదనతో నామతి గతితప్పుతూ
74. మాయదారి కాలం
ఆనందంలో పరిగెడుతూ వేదనలో నత్త నడకలు నడుస్తూ
75. బ్రతుకు పూదోటకు మాలివని ఆశపడ్డా
కలుపుమొక్కై కన్నీళ్ళ గాయాల్ని మిగిల్చావు