ఈ పుట ఆమోదించబడ్డది
106. నిదురభామ అలకతో
కలలకన్యలకు మరణాలు
107. మావికన్యకి పెదవిగాటు
వసంతుడు కోయిలతో గాయం చేయించాడేమో
108. తీరానికెన్ని గాయాలో
అలలకన్య ముద్దాడుతుంటే
109. శిశిరకన్య గాయపడ్డట్లుంది.
పత్రరుధిరాలు జార్చుతోంది
110. లెక్కించలేనన్ని వెక్కి ళ్ళు
కాలం వేళ్ళ సందుల్లోంచి జారిపోయిన గతం వెక్కిరిస్తుంటే...
111. కలల కన్య చీకటిపై అలిగిందట
నాకళ్ళవాకిలికి రానంటోంది మరి నిద్దుర
112. ప్రేమలేఖ ఎలా వ్రాయాలి
ప్రతి తలపూ విరహగీతమౌతుంటే
113. కెంపులు పూయకు చెక్కిలికి
సూర్యాసవ్తమయం అవుతుందేమో పుడమికి
114. గుండెఎండలో ఆరేస్తున్నా
తడిసిపోతున్న జ్ఞాపకాలన్నీ
115. విషాదానికి మనసంటే ఎంతిష్టమో
పిలవకపోయినా పరుగెత్తుకొచ్చి కౌగిలిస్తుంది
