36.
నీ ప్రేమగాలితో ఊపిరి పోసావా?
మదివేణువు నీ వేదం పలుకుతోంది
37.
మిన్నాగు తలపై జాజుల మాలలు
నీలి అంబరాన మెరిసే తారాపథాలు
38.
ప్రేమ తాకిడి... మంచుపువ్వు తాకినట్లు
వియోగపు అలికిడి... నిప్పుకణిక తగిలినట్లు
39.
పాదాల కింద ప్రేమరేణువులు జారుతున్నాయి
ముంచేందుకు వియోగతరంగాలు కోరలు చాస్తున్నాయి
40.
కరవవాలం పుష్పించిన కొమ్మనే నరుకుతుంది
కవికులం ఫలించని ప్రేమనే లిఖిస్తుంది
41.
రెప్ప మూయాలంటే నీకు చీకటుందని భయం
కన్ను తెరవాలంటే నువ్వు వెళ్ళిపోతావనే సంశయం
42.
సాగరానికి చెలియలికట్ట దాటడం కష్టమే
నీమదిని జయించడం నాకు అసాధ్యమే
43.
నీ అందానికి కొలబద్దా నా దాగ్గర లేదు
నా ప్రేమకి తులాభారం నువ్వు ఎప్పటికీ వేయలేవు
44.
ఆశల కెరటం నింగికెగసింది
జీవనతీరం తాకకుండానే పతనమైంది
45.
ప్రతీ స్వప్నం సత్యమే
మనసుకి మెలకువ వచ్చేదాకా
మణి మాలికలు జ శ్రీనివాస్ ఆర్.వీ.ఎస్.ఎస్
147