ఈ పుట ఆమోదించబడ్డది
128
26.
సులభం.. అమ్మా అని పిలవటం
దుర్లభం.. అమ్మ ప్రేమకి సమానం
27.
విధికి నీమది గది తాళం దొరికిందా
ఎంత కోరినా తలుపు తీయనని మొరాయిస్తుంది
28.
పేదావాడికి షరామామూలే
బీటలుబారిన భూములు.. రాతలుమారని బతుకులు
29.
జ్ఞాపకాలకి షరామామూలే..
విరహంలో వేధించటం.. వద్దాన్నా విసిగించటం
30.
ఒక చిలిపి సంశయం
ప్రతి తెలుగువాడి తలరాతనూ బ్రహ్మ తెలుగులోనే రాస్తాడా?
31.
ఆదాయం పన్నుశాఖ వారికి తీరని ఆశ
కుబేరుని నుండి పన్నులు వసూలు చెయ్యలేకపోతున్నామని!
32.
ఎందుకో అంత కోపం
చెంపల కెంపు ఎరుపు కళ్ళలో నిండితే బాగోదు!
33.
నీది దిండులాంటి మనసు..
మెత్తనిది.. హత్తుకునేది.. హాయినిచ్చేది
34.
తుంటరివే నువ్వు
కన్ను కొడతావ్.. కనురెప్ప వెయ్యనియ్యవ్
35.
ఆగేది కాదు నా కలం,
ఆగిపోయినా సరే ఈ కాలం!
మణి మాలికలు జ సంతోష్ కుమార్ కొత్తా