54
7. ప్రాతిపదికము లెల్ల ప్రధమాంతములు. నామవాచకములు ప్రధమాంతములుగా ఉండును.
8. ప్రధానమునకు ప్రధమా విభక్తియగును.
శ్రీరాముడు రావణుని సంహరించెను.
దొంగలు ధనమును అపహరించిరి.
దేవదత్తుడు చెట్లను పెంచెను.
ఇందు - శ్రీరాముడు - దొంగలు - దేవదత్తుడు - ప్రధానమైనవి. ఇవి ప్రధమా విభక్తి యందుండును.
9. అప్రధానమనకు చే - చేతలగును.
రావణుడు సంహరింపబడెను.
ధనము అపహరింపబడెను.
చెట్లు పెంపబడును.
ఈ వాక్యము లందు కర్మలు ప్రధానములు. కర్త అప్రధానము. కర్తృవాచకములగు రామ - దొంగ, దేవదత్త శబ్దములకు చే - చేతలువచ్చి - రామునిచే - దొంగలచే - దేవదత్తునిచే అని యగును.
10. అప్రధాన కర్మకు ని - ను లగు
శ్రీరాముడు సంహరించెను.
దొంగలపరించిరి.
దేవదత్తుడు పెంచెను.
ఈ వాక్యములలో కర్తలు ప్రధానమైనవి. కర్మలైన రావణుడు - చెట్టు - ధనశబ్దములు అప్రధానములు. వీనికి ని - ను లు చేరును.
శ్రీరాముడు రావణుని సంహరించెను.
దొంగలు ధనమునపహరించిరి.
దేవదత్తుడు చెట్లను పెంచెను.
సులభ వ్యాకరణము
