కుటుంబ నియంత్రణ - పద్ధతులు 117
ఆపరేషనుకి బదులుగా డీప్ ఎక్సరే పెట్టించుకున్న ప్రతీ వాళ్ళకీ కేన్సర్ వస్తుందా ?
అలా ప్రతి వాళ్ళకి కేన్సర్ వస్తుందని చెప్పడం కాదు కానీ, అధిక శాతం స్త్రీలల్లో కొన్ని సంవత్సరాల తరువాత కేన్సర్ బయలుదేరడానికి అవకాశంవుందని చాలా మంది రేడియోలజిస్టుల అభిప్రాయం. కేన్సర్ రావడం అటుంచి , నిదానంగా వాళ్ళల్లో శారీరిక బలహీనత యెక్కువగా కనబడుతుంది. ఆకలి మందగించడం, అలసట అనిపించడం, ఏదో ఒక బాధ తరచు అనిపిస్తూ ఉండటం ఉంటాయి. ముఖ్యంగా డీప్ ఎక్సరేవల్ల యెముకలు దెబ్బ తినడం, రక్త కణాల తయారీ తగ్గిపోవడం దానివల్ల రక్తహీనత వుంటాయి. ఈ లక్షణాలు కొందరిలో త్వరగా కనబడితే మరికొందరిలో మరికాస్త ఆలస్యంగా కనబడతాయి. కొందరిలో దీనివల్ల నష్టాలు విపరీతంగా కనబడితే, మరికొందరిలో చాలా తక్కువ కనపడతాయి. మరీ చిన్న వయసులో, అంటే 20, 25 సంవత్సరాల వయస్సులో ఈ కరెంటు పెట్టించుకొన్న స్త్రీలలో మరింత స్పష్టంగా బాధలు కనబడతాయి. ఇలాంటి చిన్న బాధలు, పెద్ధ బాధలు ఉండబట్టే అనుభవించవలసిన వయస్సుని అనవసరంగా రేడియేషన్ విషమ పరిణామాలతో పాడుచేసుకోకండి అని రేడియాలజిస్టులు వివరించి చెబుతున్నారు.
* * *
