| |
దను కృశింపించి వంచన నత్త మద్భర్త
కెంగిలిపాలు పోయించె ననియె
|
|
| తే. |
నింతయును దండధరుఁ డాత్మ నెఱిఁగె ననియె
నవని హరిణీత్వమునఁ బుట్టుమనియె ననియె
నీవు దయఁజూడఁ గలుషమ్ము లెడలె ననియె
నిటుల నాలేఁడి తనచందమెల్లఁ దెలిపె.
| 143
|
| తే. |
అంతయును జెప్పి క్రమ్మఱ నమ్మృగమ్ము
మున్నుగ ఘనుండ వీ వంచు నన్ను నతులొ
నర్చి యనపత్యదోష మెన్నఁగఁ గొఱంత
యయ్యె నీకంచుఁ గాంతయై యరిగె దివికి.
| 144
|
అనపత్యతకు రాజు విచారించుట
| ఉ. |
అట్టిద కాదె! నాబ్రతుకు హారపటీరనికాశకీర్తిసం
ఘట్టితదిక్తటీకరటికౌంభమణివ్రజకంఠపాళికా
పట్టికి రాజ్యపుంగడలిపట్టికిఁ బట్టగునట్టి పట్టికిన్
పట్టనరాజపీఠమునఁ బట్టముగట్టఁగ లేమి నక్కటా!
| 145
|
| మ. |
సచివాగ్రేసరులార వింటిరె! సమస్తక్ష్మాతలాధీశ్వరుల్
ప్రచురస్యందనబృందతుంగహయశుంభత్కుంభిపట్టాంబర
ప్రచయస్వర్ణమణిప్రతానముల సంభావింప నట్లొప్పు మ
త్సుచిరప్రాభవరేఖకుం గొఱఁతవచ్చుంబో సుతాభావతన్.
| 146
|
| సీ. |
అన్నదానాదిపుణ్యఫలంబులకు నెల్ల
సుతుగాంచు ఫలము మెచ్చులు ఘటించు
తరుతటాకాదిసంతతిఫలంబులకంటె
సుతుగాంచు ఫలము మెచ్చులు ఘటించు
రాజసూయాదిసత్క్రతుఫలంబుల కెల్ల
సుతుగాంచు ఫలము మెచ్చులు ఘటించు
ఘనతీర్థయాత్రాధిగతఫలంబుల కెల్ల
సుతుగాంచు ఫలము మెచ్చులు ఘటించు
|
|
