పారదారికాధికరణమ్‌
త్రయోదశః పరిచ్ఛేదః
పరస్త్రీసంగమనిషేధానిషేధముల లక్షణము
| శ్లో. |
భార్యాధికారికమిదం గదితం సమాసా
ద్వక్ష్యామి సంప్రతి పరప్రమదాభియోగమ్।
ఆయుర్యశోరిపురధర్మసుహృత్ స చాయం
కార్యో దశావిషయహేతువశాన్న కామాత్॥
|
|
| క. |
పాపములనెలవుఁ బుణ్యయ
శోపాయము విభవహాని యాయుష్యహర
వ్యాపారము నాశము పర
చాపలనేత్రల రతంబు చన దెవ్వరికిన్.
|
|
| తా. |
పరస్త్రీగమనమువలన పాపమును, పుణ్యనాశనమును, కీర్తి నశించు
టయు, అనాచారము సంభవించుటయు, ప్రాణాపాయము సంభవించుటయు,
ఉద్యోగనాశనమును, మొదలగు కష్టములు ప్రాప్తించును. కాన పరస్త్రీగమనమును
విసర్జించినచో పురుషుడు సుఖమునొందును.
|
|
| క. |
ఐనను గామాతురతన్
హానియగున్ బ్రాణములకు నని మును దివిజుల్
మానక ప్రార్థనములకున్
గానిమ్మని రట్టితెరువుఁ గామాసక్తుల్.
|
|
| తా. |
పరస్త్రీగమనమువలన నత్యంతమైనపాపము సంభవించినను కోరిన
స్త్రీని రమించనియెడల నది కామాతురత కోర్వక బ్రాణత్యాగము సంభవించిన
బ్రాణహత్యాపాతకము గలుగును కాన స్త్రీ తన్ను ప్రార్థించినయెడల నాస్త్రీ
సంగమము తగునని కామమునందు ప్రీతిగలవా రనిరి.
|
|
