ఈ పుట ఆమోదించబడ్డది
* ప్రబోధశంఖము.
ఏల తెలియక సంశయించెదవు?
భారతకుమారా,
డీలుపడి వెనుకంజ వేసెదవు?
విన్నదనమున మోము వాల్చెదవు?
దాసో౽హ మంచును
జిన్నతనమునఁ గేలుమోడ్చెదవు?
తెల్ల చర్మము నీకులేదనియో,
బలమైననాడులఁ
జెల్లునెత్తురు పాఱలేదనియో!
భారతీయుఁడ ననెడి గర్వమునఁ
దలయెత్తి నిక్కి
తేఱిచూడుము సకల లోకమును.
ఎంతకాలము స్వప్నసింహంబు
దడిపించు నిన్ను?
జింతసేయుము తొలఁగు మోహంబు.