ఈ పుట ఆమోదించబడ్డది
42
ఇంద్రాణీ సప్తశతీ
శ. 2.
2. మదలేఖాస్తబకము
1. పౌలోమ్యాః పరిశుభ్ర జ్యోత్స్నా దృశ్యరుచో మే |
శ్రీమంతో దరహాసాః కల్పంతాం కుశలాయ ||
2. కారుణ్యామృత సిక్తా శక్తా శక్ర మహిష్యాః |
ప్రేక్షా భారత భూమే ర్దౌర్బల్యం విధునోతు ||
3. వందే నిర్జర రాజ్ఞీం సంకల్పేసతి యస్యాః |
సాధ్యా సాధ్య విచారో నైవస్యాదణు కోపి ||
4. సంకల్ప స్తవ కశ్చి చ్చిత్త చేద్దివ ఈశే |
స్యా దుల్లంఘ్య నిసర్గం సిద్ధిర్నిష్ఫలతావా ||
5. మూఢోప్యుత్తమ రీత్యా సిద్ధ్యే దధ్యయనేషు |
మేధావీచ నితాంతం నైనస్యా త్కృతకృత్యః ||
6. ఉత్పద్యేత మహేశ్వర్యప్రాజ్ఞాదపి శాస్త్రం |
యాయాన్మాతరకస్మా ద్విభ్రాంతిం విబుధోపి ||
7. అల్పానామబలానాం సంగ్రామే విజయస్యాత్ |
శక్తానాం బహుళానాం ఘోరాస్యా త్పరిభూతిః ||
8. రాజేరన్నృప పీఠే ష్వఖ్యాతాని కులాని |
స్యాద్దుర్ధర్ష బలానాం పాతో రాజకులానాం ||
