ఈ పుట అచ్చుదిద్దబడ్డది
262
ఇంద్రాణీ సప్తశతీ
శ. 7.
19. మమ సుర రాజవధూ కళయోగ్రా
ఖలజన ధూనన శక్తి నఖాగ్రా |
దమయతు కృత్తశిరాః కలుషాణి
ప్రకటబలా హృదయస్య విషాణి ||
20. కులిశివధూకళయా పరిపుష్టా
బుధనుత సద్గుణజాల విశిష్టా |
మమ పరితో విలసద్విభవాని
ద్రుపదసుతా విదధాత శివాని ||
21. సురజనరాడ్దయి తాంశ విదీప్తే
పదకమలాశ్రిత సాధుజనాప్తే |
దురితవశాదభితో గతభాసం
మనుజకుమారజనన్యవ దాసం ||
22. అమరనరేశ్వర మందిర నేత్రీ
సుమశరజీవన సుందరగాత్రీ |
భవతు శచీ వితత స్వయశస్సు
ప్రతిఫలితా గణనాథ వచస్సు ||
23. వికసతు మే హృదయం జలజాతం
విలసతు తత్ర శచీస్తుతిగీతం |
స్ఫురతు సమస్తమిహేప్సిత వస్తు
ప్రథితతమం మమ పాటవమస్తు ||
