ఈ పుట అచ్చుదిద్దబడ్డది
ముక్తి వేడుచు వూడ్చి నగలను
శక్తి కర్పించెన్.
దుర్గ కొలనున గ్రుంకి పిమ్మట
రక్త గంధం రక్తమాల్యం
దాల్చి గుండం చుట్టు నిలిచిన
జనుల కిట్లనియెన్.
“అన్న లారా తండ్రులారా
ఆలకించం డొక్క విన్నప
మాలు బిడ్డల కాసుకొనుటకు
ఆశలేదొక్కొ
కులము లోపల?
“పట్టమేలే రాజు అయితే
రాజు నేలే దైవ ముండడొ?
పరువు నిలపను పౌరుషము మీ
కేల కలగదొకొ?
“విద్య నేర్చినవాడు విప్రుడు
వీర్య ముండిన వాడు క్షత్రియు
డన్న పెద్దల ధర్మ పద్దతి
మరచి, పదవులకై
“ఆశ చేయక, కాసు వీసం
కలిగి వుంటే చాలు ననుకొని,
వీర్య మెరగక, విద్య నేర్చక
బుద్ధి మాలినచో
“కలగవా యిక్కట్లు? మేల్కొని,
బుద్ది బలమును బాహు బలమును
పెంచి దైవము నందు భారం
వుంచి, రాజులలో
గురుజాడలు
73
కవితలు