స్థానంబునందు సౌష్ఠవమున నిలువక
నరివాడ శరము లక్ష్యమునఁ దప్పుఁ
దగులీల నంగుళిత్రము బూన కరివాప
విశిఖముల్ విసరు మౌర్వియును సడలు
నంగుళిత్రము వట్రనై రంధ్ర మున్నచో
జాఱు బాణము పింజ సడల విసరు
బిగువుగా వివరమ్ము తగు నంగుళిత్రాణ
మంగుష్ఠమునకు నొ ప్పడరఁజేయు
మృదువైన పెళుసైనఁ బదపడి గుణఘాత
మున నంగుళిత్రాణ మనువు దప్పుఁ
బదను మిక్కిలి లేని బాణంబు తెగవాప
చెలఁగి లక్ష్యము తెంపు చేయకుండు
కట్ట తిన్ననగాని కాండంబు నడపిన
దూరంబు చని చని తొణఁకుచుండు
గఱులు మెత్తనివై న కఱకులైనను బాగు
గాఁ గూర్చకుండినఁ గదలు శరము
నిండారఁ గుసికఱ్ఱనుండు రంద్రమ్ములో
నలుఁ గూనకున్న సాయకము విఱుగు
వక్ర మైనను కఱ్ఱ వలమైన విశిఖమ్ము
చాపమధ్యము సోఁకి యేపు దఱుగు
సమముగా నరి నమర్చక శర మ్మరివాప
వెడలి క్రిందును మీఁదు విసరుఁ బింజ
యాకర్షణమ్ము జబ్బై తనర్చిన మార్గ
ణము సబాటమ్ముగా నడవకుండుఁ
జక్కగాఁ జూడ్కి లక్ష్యమునందు నిలుపక
తెగవాప విశిఖంబు దవులదందు
భావంబు చూడ్కితోఁ బ్రాకకున్నెడ లక్ష్య
భేదనోపాయంబు పాదుకొనదు
