పుట:Dhanurvidyaa vilaasamu (1950).pdf/216

152

నభోవిభజనము

క.⁠

ఆయెత్తుననె శిలీముఖ మేయం దగు నించుకంత హెచ్చును దగ్గున్ జేయక నైపుణ్యంబునఁ బాయక దూరాభిపాతపరిచయమునకున్.

⁠ 132

క.⁠

పగ లాకాశము పంచుట సుగమము గాదేని రేయిఁ జుక్కలు గుఱిఁగా గగనంబు మూఁడుపాళ్ళుగ విగణింపఁగవలయు భావవీథినిపుణుఁడై.

⁠ 133

గీ.⁠

అట్లు భావించి భాగద్వయాయతముగ వేణుదండంబు గుఱుతు గావించి నిలిపి దానిపైఁ గార్ముకపుముష్టి నూని దూర సమభిపాతనాభ్యాసంబు సలుపవలయు.

⁠ 134

క.⁠

కోటల పేటల తోటల మాటుల విభజింపఁ జనదు మన్నున్ మిన్నున్ గూటమివలెఁ గనుపడుటకుఁ జాటున నాలోకనంబు సమకొన కునికిన్.

⁠ 135

క.⁠

కావునఁ బంచుట బయులునఁ గావింపగవలయు సుమ్ము గగనము బుద్ధిన్ భావించియుఁ దారావళి భావించియుఁ బగలురేయి పరిపాటి మెయిన్.

⁠ 136

వ.⁠

వెండియు నొక్కవిశేషంబు గలదు.

⁠ 137

గీ.⁠

ఆకసంబు కొంద ఱైదుభాగములుగాఁ బంచి రెండుపాళ్ళు పై ఘటించి మూఁడుపాళ్ళు చాపముష్టిక్రింద ఘటించి లీల నడుపుదురు శిలీముఖంబు.

⁠ 138