పుట:Dhanurvidyaa vilaasamu (1950).pdf/200

136

నారాచనిర్మాణము

సీ.⁠

జల్లెడ కొలఁది లక్ష్యము రాత్రిఁ బచరించి         యాలక్ష్యమున ఘంట వ్రేలఁగట్టి, యెలమి నాఘంటకు నిరువదిబారల         సన్నంపుసూత్రంబు సంఘటించి, కుడియోర నొకరుఁ డాగుణము లాఁగుచు ఘంటఁ         గదలింపఁ దానును గనులు మోడ్చి, మొదల లక్ష్యమునకు మూఁడువిండ్లకొలంది         శబ్ద మాలింపుచు శరము నడపి,

⁠

గీ.⁠

యవల నభ్యాసమున నాలుగైదునాఱు విండ్లకొలఁదుల నొక్కొక్కవింటికొలఁది నాఁడు నాఁటికి దూరంబు నడపవలయు శాబ్దలక్ష్యశరాభ్యాససరణులందు.

⁠ 68

గీ.⁠

అట్టి శాబ్దలక్ష్య మధికరించుచు లక్ష్య మొకటి క్రింద మీఁద నొకటి నుంచి యేయుచుండవలయు నిది ధనురాగమ సంప్రదాయవిదులశాసనంబు.

⁠ 69

క.⁠

అల ఘంటాధ్వని మానస నలినంబునఁ బాదుకొలిపి నయనాంబుజముల్ బలువిడి మొగిచి శరంబుల సలలితగతి నడుపవలయు సతతము రాత్రిన్.

⁠ 70

వ.⁠

ఇట్లు చిరాభ్యాసంబున శాబ్దలక్ష్యభేదనంబున విన్నాణంబు సంపా దింపందగు నింక మానసికలక్ష్యభేదనోపాయంబు సమీరప్రేరణం బున దీపం బదృశ్యంబైనం దొల్లింటి యభ్యాసంబున భుజియించి యది కతంబుగాఁ బగలింటి యభ్యాసంబున నిశాసమయంబున శరం బులు లక్ష్యంబునం జొనుపుటం జేసి భాగ్యవశంబున నప్రయత్నం బుగా నీకు లక్ష్యం బయ్యె, నిట్టిది మానసికలక్ష్యభేదనప్రకారంబు.

⁠