పుట:Dhanurvidyaa vilaasamu (1950).pdf/159

ధనుర్విద్యావిలాసము

95

⁠

హొయలుగా వక్షమ్ము బయలు చూపఁగరాదు         గడ్డంబు వెలిగడ నిడ్డఁగాదు నిశ్వాసపవనంబు నిగుడింపఁగారాదు         చిత్త మొండొకచోటఁ జేర్పరాదు

⁠

గీ.⁠

కీళ్ళనరములు బిగువు సోకింపరాదు వామభుజకూర్పరంబును వంపరాదు నిలిచి తివుచుచు నెడనెడ నిలుపరాదు నరుఁడు బాణాసనాకర్షణమ్ములందు.

⁠ 198

మ.⁠

శరసంధానవిధానతానకములన్ సంధిల్లు నిద్దోషముల్ పరిభావించి ధనుఃకళానుకలనాభాస్వన్మనోవృత్తియై శరసంధానవిమోచనమ్ముల విశేషంబుల్ పిసాళింపుచున్ నరుఁ డానందము నొందుచుండు ధరణీనాథుల్ ప్రశంసింపఁగాన్.

⁠ 199

వ.⁠

ఇట్లు శరసంధానంబునుం ధనురాకర్షణంబునుం బసమించు నింక శరం బాకర్షించుచో వామముష్టిపై నాఱుచందంబుల నిలుపందగు. నట్టి నిలుకడలకుం దగినస్థానంబులును అట్టి స్థానంబుల నిలిపినం దనరు విశేషంబులును వివరించెద నాకర్ణింపుము.

⁠ 200

సీ.⁠

అలుఁగు లస్తకమున కవలఁ జిక్కఁగఁ జాప         మోజ నాకర్షించు టొకవిధంబు, ఒకపాలు వెలిని లస్తకములో నలుఁగు గా         నోజ నాకర్షించు టొకవిధంబు, సాబాలు వెలిని లస్తకములో నలుఁగు గా         నోజ నాకర్షించు టొకవిధంబు, శరముఖం బవల లస్తకమంతయును జిక్క         నోజ నాకర్షించు టొకవిధంబు,

⁠

గీ.⁠

కణఁకఁ బెనువ్రేలి రెండవకణుపుమీఁద నొకట నలుఁ గూనగా దిప్చు టొకవిధంబు

⁠