వెండియు నెండల నెండినం గుండలాభంబగు నవీన శార్ఙ్గకోదం
డం బంగారంబులం గ్రాచి మెత్తదనం బాపాదించి తత్సదృశంబుగా
దారుఖండం బమర్చి యక్కాఁచిన శార్ఙ్గయష్టి నద్దారుఖండంబు
పై నిడి రజ్జువులం దృఢబంధంబు గావించినం దినత్రయంబు గడచను
నంతకుం దిన్ననై యుండు నట్లు సరాళంబైన శార్ఙ్గయష్టిం
బూర్వోక్తప్రకారంబున నెక్కిడం దగు నదియునుంగాక శార్ఙ్గ
యష్టి మఱియుం గఠినంబగునేని కొమలవంపు లెదుర నొక్కండు
ద్రోచిపట్టినం దానును జానుపర్వంబుల నూని పిఱిందిదెస మ్రొగ్గ
వ్రాలిన నొండొకరుండు లాఘవంబున మౌర్వి నెక్కిడందగు నిత్తెఱంగు
నకు మువ్వురు గావలయు నైనను ప్రకారభేదంబు లేమిం జేసి మొద
లింటి తెఱంగున నంతర్భావంబు ప్రాప్తించునని పలుకుదురు, మఱియు
నొక్కరుండు నవీనశార్ఙ్గం బెక్కిడం గోరిన నొక్కయుపాయంబు
గల దది యెట్లనిన, శింజనీసదృశంబుగా నొక్కచర్మపట్టికాలలామం
బునకుం గొలకులం గూర్చి యక్కొలకుల శార్ఙ్గయష్టి కొమల
దోయిం దవులించి యెక్కిడందగు, నదియును సవిశేషంబుగా వివరిం
చెద నాకర్ణింపుము.
