పుట:Dhanurvidyaa vilaasamu (1950).pdf/130

66

శరనిర్మాణము

⁠

భాతి నమరుచుండు నూతనాభ్యాసికి విశిఖనిచయ మేయు వేళలందు.

⁠ 42

చ.⁠

పదపడి హంసరొమ్మువలె భాసిలుచుండెడు నంగుళీత్రమున్ ముదమున లక్ష్యవేది శరముల్ నినుపం జను ధన్వికిన్ దగున్ గుదురయి నిమ్మబద్దవలె గుండ్రనగాఁ దగు నంగుళీత్రముం పొదువగు దూరపాతిశరపుంజసమాకలనానుకూలమై.

⁠ 43

ఉ.⁠

ఏనుఁగు నెక్కి సాహిణము నెక్కి రథోత్తమ మెక్కి పోరులం దైనను వేఁటలాడు నెడ నైనను బర్వులువాఱుచున్ యదృ చ్ఛానిరతిన్ ధనుర్ధరుఁడు చర్మవినిర్మిత మంగుళీత్రముం బూని శరంబు లేయ నగు బొట్టనవేలు చలింపకుండుటన్.

⁠ 44

శా.⁠

క్షోణి న్మద్గువిషాణఖండమున సర్గోధాంగచర్మంబునన్ మాణిక్యంబున రూప్యకాంచనములన్ మత్తేభదంతంబునన్ నాణెంబుల్ వెదచల్లఁ దీర్చుదురు విన్నాణంబుతో నంగుళ త్రాణం బంగుళరక్షకం బగుట సిద్ధం బయ్యెఁ దన్నామమున్.

⁠ 45

గీ.⁠

ఇందు మొదలిటి మూఁడును హేమరజత మణి గజవిషాణ పాషాణ మద్గుశృంగ ముల రచింతు రయ్యశ్వత్థదళముఁబోలు నంగుళీత్రంబు గోధాజినార్జితంబు.

⁠ 46

గీ.⁠

క్రౌంచచంచుపుటాకృతి గజవిషాణ ముఖ్యపూర్వోక్తసాధనములను బొడవు గా యథావిధి రచియింపఁగా నెసంగు నంగుళీత్రంబు నూతనాభ్యాసములకు.

⁠ 47

వ.⁠

ఇట్లు బాతుముక్కుకరణిం బురణించు నంగుళిత్రాణంబునకు విధా నంబు నిరూపితం బగు, నింక హంసపక్షంబుకైవడిం దనరు నంగుళీ త్రాణంబునకు విధానం బుపన్యసించెద. నాకర్ణింపుము.

⁠ 48