ద్వాత్రింశన్మంత్రులు
73
20. ప్రాణికోటికి నెల్ల బహుబక్ష్యభోజ్యాన్న
సత్రముల్ పెట్టె విస్సప్రధాని
21. భట్టుమూర్తికిఁ గిన్క రెట్టింపఁ బచ్చల
హార మర్పించెఁ దిమ్మరసమౌళి
22. ఘనదైవతంబు దాక్షారామభీమేశుఁ
డని కొల్చె బెండపూఁడన్నమంత్రి
23. నీడ ద్రొక్కెడువేళ నెఱి కర్థి కభిమతం
బిప్పించెఁ జేమకూ రప్పరాజు
24. ఘనసప్తసంతతు లొనరించిన సత్కీర్తి
వెలయించె విఠ్ఠల వెఱ్ఱమంత్రి
25. అమితశత్రులఁ గెల్చి యవనిపాలన చేసె
రహి గుంటుపలి ముత్తరాజమంత్రి
26. తను నేలు నృపతిచేతనె మేటికృతి గాంచె
శ్రీగుంటుపలి నరసింగమంత్రి
27. ఘనభట్టు సుకవికి మణికుండల మొసంగి
నంది తిమ్మకవీంద్రుఁ డందెఁ గృతుల
28. కవుల కర్థ మొసంగి ఘనకీర్తి వహియించె
రహిఁ గూరగాయన రామమంత్రి
29. వాకిటికావలి జోఁకతో నొనరించి
దివ్యకీర్తి వహించెఁ దిమ్మమంత్రి
30. రిపు గెల్వ నృపుఁ డిచ్చు విపులార్థముల నర్థి
కర్పించెఁ గటికి కామన్నమంత్రి
31. కవిబుధావళి నేలి ఘనకీర్తి వహించె
వరకోటిపల్లి శ్రీశరభమంత్రి
32. నిరతాన్నదాతయై నిత్యకీర్తి వహించెఁ
గాశి బందా పరదేశిమంత్రి
