తెనాలి రామకృష్ణకవి
149
రామకృష్ణుని ఇతర చాటువులు
గీ. అతివ కచ నాభి జఘన దేహాసనము త
మీనదరసాలతారాజపానిరాక
రణ మనంత మనాది నేత్ర గళ భుజన
ఖోష్ఠ కుచ వచో దంతము లుభయగతుల.
గీ. అధరముఖవర్ణశూన్యంబు లతివకుచము
లాననాకారరహిత మబ్జాక్షిమేను
అజఘనమండలము లంచయానకురులు
చరమబాధితకరములు చామతొడలు.
గీ. ఆననాధరగళమూర్తు లతివ కజుఁడు
చంద్రకురువిందశంఖచంచలలఁ జేసి
చెలఁగి తచ్చిహ్నకాఠిన్యసితచలతలు
సొరిదిఁ గచ కుచ హాస దృష్టులుగఁ జేసె.
సీ. నడచెనా గంధగండకబంధధుర్యవే
దండతండము నటుండుండు మనును
పలికెనా పల్లకీకలకంఠకలరవ
మండితధ్వని నటుండుండు మనును
నవ్వెనా మల్లికానవహీరచంద్రికా
డిండీరముల నటుండుండు మనును
చూచెనా పుష్పనారాచజాతస్ఫుర
త్కాండద్యుతుల నటుండుండు మనును
గీ. ఏమి చెప్పుదు నాయింతి కెవ్వ రీడు?
అహహ! రతివలె నది నీకు నబ్బెఁగాక
పరమభాగ్యైకశాలి యోపాండురంగ
విట్ఠలేశ! యనంతరవిప్రకాశ!
