ప్రథమతరంగము
77
సమస్య:—రారా తమ్ముఁడ రార యన్న యనె నారాజాస్య ప్రాణేశ్వరున్
శా. గారాబల్లుఁడు నర్జునుండు శ్వశురాగారంబునం దుండఁగా
నీరేజాస్య సుభద్ర వచ్చి యతని న్వీక్షించి పెన్సిగ్గున
న్బారన్ జొచ్చిన సత్య పట్టుకొని యింపారంగ నయ్యర్జునున్
“రారా తమ్ముఁడ! రార యన్న” యనె నారాజాస్యప్రాణేశ్వరున్.
సమస్య:—రామాయణార్థము వచ్చునట్లు;
తోఁచునడంగు వెండియును దోఁచునడంగు మెఱుంగుచాడ్పునన్
ఉ. తోఁచకపట్టి తె మ్మనుచుఁ దొయ్యలి వేఁడిన వెంట నంటి చేఁ
జూచుచు మెల్లమెల్లఁగను జాడల జాడల నాశ లాశలన్
నాచుకవచ్చు రామరఘునాయకుముందర మాయలేడి తాఁ
దోఁచునడంగువెండియును దోఁచునడంగు మెఱుంగుచాడ్పునన్.
సమస్య:—వెండియు నాసమస్యనే రామాయణార్థము వచ్చునట్లే పూరించుమనఁగాఁ గవి యిట్లు పూరించెను.
ఉ. పీఁచ మడంచి రాఘవకపిప్రవరాదులు వాల్మగంటి మ
న్నేఁచఁగ మిన్నుమన్ను దిశలెచ్చటి వచ్చటఁ గాలఁగారవిన్
గ్రాచు శరాగ్నికీలల జగంబులు ఘూర్ణిల నింద్రజిత్తు తాఁ
దోఁచు నడంగు వెండియును దోఁచు నడంగు మెఱుంగుచాడ్పునన్.
సమస్య:—మరల దానినే భాగవతార్థము వచ్చునట్లు చెప్పుమనఁగాఁ జెప్పినది.
ఉ. పూచినమాటపట్లఁ దలపోయఁగలేక మనోభవుండు ప్రే
రేచ గణాలునాలుఁ దనురెప్పలనార్పక చూడఁగా మనం