పుట:Chandrika-Parinayamu.pdf/299

సీ.⁠

మంజులాహీనహర్మ్యప్రదేశంబున      శుచిగరుత్మల్లీలఁ జూచికొనుచుఁ, గలధౌతమయశైలకందరాస్థలుల మ      హానందిహరిలీల లరసికొనుచు, సుమనోనివాసభాసురనగాగ్రములందు      దివ్యసారంగాభ దెలిసికొనుచుఁ, బుష్కరవీథులఁ బొలుపొందు నేకచ      క్రరథవిస్ఫూర్తిని గాంచికొనుచుఁ,

⁠

తే.⁠

గమల దైత్యారి శర్వాణి కమలవైరి ధారి పౌలోమి యుర్వరాధరవిదారి ఛాయ హరి యన నలరిరి సకలకాల సముచితాఖేలనంబుల సతియుఁ బతియు.

⁠ 138

సీ.⁠

ఆధరాధిపు యశోహరి జగత్తటి వ్రాల      నుడిగె ఘనఘనాభ్యుదయలీల, లామహీభృతుధామధామనిధిస్ఫూర్తి      ధరఁ దూలె శార్వరపరవిభూతి, యారాజువితరణభూరిభూరిజలాళిఁ      జనె దుర్గదుర్గతిశాదపటిమ, మారసాపతితరవారివారిదరేఖ      నడఁగె శాత్రవహంసహంసపాళి,

⁠

తే.⁠

యాసుచంద్రుఁడు ధర్మంబు నాశ్రయించి నీతి దయివాఱఁ గాంచి యనీతి నొంచి యరిది జగ మెల్లఁ బాలించు నపుడు సకల జనులు శుభసమ్మదస్ఫూర్తి మనిరి వేడ్క.

⁠ 139