24 బిల్వమంగళ [అం 1
హృదయము తల్లడమంద ♦ ఎద నాసలు వడి డింద, చిత్తకమలముకు హేళి ♦ హత్తియుండు వనపాళి
రాదె సైకతశ్రోణి ♦ ఏది? యేది? చింతామణి?
బిల్వ - (నవ్వి) ఇ దెవతె? చింతామణి నెందుకు పిలుస్తూన్నది? ... ఇది భూతము కాదు, మానవగణములోనిదే? పిచ్చిదానివలెనుంది. నీవెవతెవు? చింతామణి నీ కేమవుతుంది?
పిచ్చి - చింతామణి నాది. పేరుపెట్టి పిలువకూడదు - సిగ్గు కాదా?
బిల్వ - అది ఆడదాని పేరు కాదా?
పిచ్చి - చింతామణియె నాదు ♦ చిన్నారిచిలుక
ముక్తకేశిని అయ్యు ♦ ముద్దుల కిరవు
కలుముల యిల్లాలు ♦ కట్టదు బట్ట;
వరమిచ్చి వెతదీర్చు ♦ వరశుభమూర్తి
సంతతంబును నామె ♦ శవముపై నాడు;
రేపల్లెవాడలో ♦ వ్రేవెలందులకు
వేణునాదము తాను ♦ వినిపించు నెపుడు;
శిరమున జడలు నం ♦ బరములీ దిశలు
ఉండునొకప్పు డా ♦ వెండిమల మీద
తాండవమాడుచు ♦ తద్ధిమ్మియనుచు;
ప్రతిమయై ప్రేమయే ♦ ప్రభవింప నోపు:
రాసకేళులలోన ♦ రమియించుబాల,
ఉవిదలలోనెల్ల ♦ యుడుపతిరాణి,