పుట:Bhoojaraajiiyamu.pdf/228

మాదిగవాని కథ

167

క.⁠

నాక మనఁ బరగు దివిజుల లోకము [1]దా నరయ నూర్ధ్వలోకము, మఱి భూ లోక మనఁ బరగు మనుజుల లోకము మన మిప్పు డున్నలోకము పుత్రా!

⁠ 204

చ.⁠

చరణము లూరువు ల్జఘనచక్రము లానతనాభు లంచితో దరములు పీనవక్షము లుదారభుజంబులు కంబుకంఠముల్ సురుచిరవక్త్రపద్మములు శోభితచక్షులు ఘ్రాణకర్ణముల్ శిరములుఁ గేశపాశములుఁ జెన్నగుమేనులవారు దేవతల్.

⁠ 205

క.⁠

దేవతలకు విను ముదిమియుఁ జావును లే డెన్నఁడును బ్రశస్తగుణాఢ్యుల్ కావున విమానయానులు నై విహరింపుదురు వా రుదాత్తప్రీతిన్.

⁠ 206

క.⁠

జరయును రుజయును నరులకు 903 దొరకొనె నని కాని యాకృతులు దలఁపగ ని ర్జరులట్ల నరులు, వారికి గరితురగాందోళికలును ఘనవాహనముల్.

⁠ 207

వ.⁠

కావున నట్టిప్రభావంబు లొక్కొక సుకృతవిశేషంబునం గాక యూర కెట్లు సిద్ధించు? మనము పూర్వజన్మంబున దూరీకృతసుకృతుల మగుట నిట్టి దుష్ట జన్మంబు వాటిల్లె' ననిన విని 'జననీ! నీ కిట్టి పరమజ్ఞానం బేమివిధంబునం గలిగె? నెఱిఁగింపు మనిన వాని కి ట్లనియె.

⁠ 208

శా.⁠

ఏ నాగౌతమిలోన నుండునెడ నయ్యేటం గృతస్నానులై నానాదేశసమాగతద్విజులు నానాధర్మము ల్చెప్పుచో నానారీతులమాట లేను వినుట న్నాకిట్టి యత్యుత్తమ జ్ఞానం బబ్బెఁ బురాణగోష్ఠి కెనయే సౌఖ్యంబు లొం డెవ్వియున్.

⁠ 209

మ.⁠

విను మయ్యుత్తమగోష్ఠి యందుఁ గొడుకా! విశ్వంభరం గల్గుపు ణ్యనదీతీర్థవిశేషముల్ తెలిసె నెన్నం బెద్ద యాగంగ, త

⁠

1. లో మఱియు