పుట:Bhoojaraajiiyamu.pdf/111

50

భోజరాజీయము ఆశ్వా. 2

వ.⁠

అంత నతం డక్కాంతతో నొక్కనాఁ డేకాంతంబున నిట్లను 'నేను నీతాత్ప ర్యంబునకు మెచ్చితి, నీ కొక్క చోద్యంబగు విద్య యిచ్చెదం గొను' మని యనుగ్రహించి.

⁠ 143

ఆ.⁠

ఔషధములు చెప్పి, యవి గూర్చువిధమును జెప్పి దీపవహ్ని శిఖలమీఁద వైవ ధూమవేధ వలన లోహంబులు హేమ మగుతెఱంగు లెఱుఁగఁ జెప్పి.

⁠ 144

క.⁠

సిద్ధుఁడు చనుటయు వింత ప్ర బుద్ధచరిత్ర యగు తోడఁబుట్టినసతి కా శుద్ధి యెఱిఁగించి యౌషధ సిద్ధి పడయుపనికిఁ జింత చేయుచు మదిలోన్.

⁠ 145

ఉ.⁠

కన్నులు లేనివాఁ డొకఁడు గల్గినఁ జాలు, నతండు సూరఁగా వన్నియు మార్చవచ్చు నొరు లెవ్వరు దీని నెఱుంగకుండఁ బ్ర చ్ఛన్నపుఁజేఁతభంగి సువిచారము సు మ్మని యొక్కరాత్రి యా సన్నముఖాబ్జ లై మిగులఁ జప్పుడుగాని రహస్యభాషలన్.

⁠ 146

క.⁠

ఆలోచింపఁగ సర్పటి యాలో భిక్షమున కరిగి యాపలుకులు దా నాలించి దానికిం దగు కీలు విచారించి మగిడెఁ గృత్రిమభంగిన్.

⁠ 147

క.⁠

మఱునాఁడు విగతచక్షుని తెఱఁగున నొక పంచఁ జేరి దీనత దోఁపం గొఱ మాలిన యొకపెంచిక యఱచేతం బట్టికొని నతాననుఁ డగుచున్.

⁠ 148

తే.⁠

'కపటిఁ (?) జుం డన్న యిటు నటుఁ గదలలేవి వాఁడఁ జుం డన్న యో భాగ్యవంతులార! పుణ్యసతులార! నన్నుఁ గారుణ్యబుద్ధి నరసి యుదరాగ్ని యార్పుఁడీ" యనుచు నుండ.

⁠ 149