పుట:Bhoojaraajiiyamu.pdf/102

భోజచరిత్ర

41

శా.⁠

ఆవేళన్ వివిధాశ్రితవ్రజచకోరానందుఁడై విస్ఫుర ద్భావుండై విలసత్కలాకలితుఁడై భగ్నీకృతారాతిభూ పావష్టంభతమస్కుఁడై కువలయాహ్లాదప్రదుండై యశ శ్రీవిభ్రాజితచంద్రికుం డయి తనర్చెకా భోజరా జున్నతిన్.

⁠ 84

సీ.⁠

సంగీతవిద్యాప్రశస్తమానసులతోఁ        గూడి వినోదించుఁ గొంతదడవు సాహిత్యవిద్యావిశారదాత్మకులతోఁ        గూడి వినోదించుఁ గొంతదడవు నృత్తవిద్యాకళాయత్తచిత్తులతోడఁ        గూడి వినోదించుఁ గొంతతడవు వాద్యవిద్యానిరవద్యభావకులతోఁ        గూడి వినోదించుఁ గొంతతడవు

⁠

ఆ.⁠

శబ్దశాస్త్ర మంత్రశాస్త్ర ధనుశ్శాస్త్ర తురగశాస్త్రవిదులతోడిగోష్ఠి నడుపుఁ గొంతతడవు నయశాస్త్రవేదులఁ గూడి మాటలాడుఁ గొంతతడవు.

⁠ 85

చ.⁠

దళ మగు హంసతూలనిజతల్పమునందు నిజప్రియాంగనా లలితకుచోపగూహనములన్ మధురాధరపానలీలలం దలకొని యంగముల్ పులకితంబులుగా సుఖియించు నవ్విభుం డెలమి దలిర్పఁ గొంతతడ విక్షుశరాసనుఁ గ్రేణి సేయుచున్.

⁠ 86

వ.⁠

మఱియు నెవ్వేళ నెయ్యది కర్తవ్యం బట్టి కృత్యం బప్రమత్తుం డై యొనర్చు నప్పుడమిఱేనికి నిమిషార్థంబును నిరర్థకం బయి పోవ దిట్లు నిశాసమయ ధర్మంబులు చెల్లుచుండ నక్కడ సర్పటి సిద్ధుండు.

⁠ 87

క.⁠

నను నీతఁడు వేడుకపడి కొనివచ్చెను, వీనితోడి గోష్ఠికిఁ దగులై యునికి తగ; దితని కొక మే లొనరించి యథేచ్చఁ జనుట యుక్తము నాకున్.

⁠ 88